ئەگەر مەلای بەرسڤا فیلمێ ئیڕانی دا، کارێ سەرۆکێ ولاتی چیە؟ - پرس بادینی

إعلان فوق المشاركات

ئەگەر مەلای بەرسڤا فیلمێ ئیڕانی دا، کارێ سەرۆکێ ولاتی چیە؟

ئەگەر مەلای بەرسڤا فیلمێ ئیڕانی دا، کارێ سەرۆکێ ولاتی چیە؟

 


ئەگەر مەلای بەرسڤا فیلمێ ئیڕانی دا، کارێ سەرۆکێ ولاتی چیە؟ 


میر نێروەی

ماموستایێن ئاینی (مەلا) ئانکو گوتارخوین خودان کەسایەتیەک دینی یە، هەڤدەم گەهێنەرێ پەیام و رەوشت و رێنما و ئاموژگاریێن ئاینی یە د چارچوڤێ ئاینێ ئیسلامێ دا، هند جاران ژی گوتارێن گرێدای مژارێن باوەری و دین و جڤاک و سیاسی .. دهێن بەحسکرن.

ل سەردەمێن پێغەمبەری (ص.ع) هەمی بابەتێن ئاینی و جڤاکی و سیاسی د ناڤ مزگەفتێ دا دهاتنە گوتن، ژبەر کو گوتنا پێغەمبەری ژێدەرەکێ راستەخۆیە بۆ سەردەمێ خۆ و پشتی خۆ، کو بزانن وەک ئاین و موسلمان چاوا سەرەدەریێ دگەل هەمی لڤینان بکەن.

لسەردەمێ خەلیفان ژی ژبەرکو تاکە جهێ کومڤەبوونا موسلمانان مزگەفتبوو ، هەمی مژارێن تایبەت دهاتنە ڤەکرن.


لێ نها گوتن و رێنمایێن دینی دگەل هەمی لڤینان د نڤیسی و دیار و ل هەمی جهان بەرهەڤن، و مزگەفت تاکە جهێ کومڤەکرنێ نینە، د دەمەکێ دا کو دەستهەلاتا ئیسلامی ناهێتە جیبجیکرن، ئەو روولێ بەری نها هاتیە ژێ ستاندن،  دگەل نەمانا دەستهەلاتا ئیسلامی روولێ گوتارا ئاینی د گەهاندن پەیرەوێن ئاینی و باوەری و دیاردێن زیقێن جڤاکی و هشیارکرنا تاکێ موسلمان و ریبریبوونا زولمێ و هاریکاریا جڤاکی دهێتە هەلسەنگاندن، دگەل ڤێ هەمیێ ژی هەیا نها ژی ژبەرکو گوتارێن ئەینیان خودان زوورترین کومڤەبوونا جڤاکی و ئاینی یە و پتریا وەلاتیان پەیرەو دکەن، خالەکا گرنگە بۆ دەستهەلاتان ژی کو بۆ مەرامێن خۆ بکاربینن. ژ بۆ ڤێ مەرەمێ ژی چەند گوتنان بۆ چەواشکاریان دکەن ژ وان ژی پێکڤەگرێدانا ئاین و سیاسەتێ یە، ئاین و سیاسەت د دەما وەرگرتنا دەستهەلاتەکا دینی دا رەوایە نەک د دەستهەلاتەکا علمانی دا، هەڤدەم بکارئینانا ئاینی بۆ مەرامێن نەتەوی بێرێزیکرنە ب ئاینی ئەگەر خۆ چ نەتەوەکێ کربیت، پێدڤیە ئەڤ پەیاما پیروز بۆ چ مەرەمان نەهێتە بکارئینان.


لێ نەرەوایە حکومەتەک مزگەفتان ئاڤا نەکەت و پارێ ئاڤاکرنا مزگەفتان ل کرینا مەلایان بمەزێخیت، و د سەردەمەکێ وەکی نها دا، کو زانست و سازی ب بەرفڕەهی هاتینە دابەشکرن، هەر سازیەکێ کارێ تایبەت ب خۆ ڤە هەبیت و د هەمی پرسان دا، هەمی سازی د بێدەنگبن و مەلا و مزگەفت دهۆڵ قوت بن. گەلۆ رەوایە مەلا بەرسڤا سیاسەت و پێنگاڤێن ولاتان بدەت و سەرۆکێ ولاتی یێ بێدەنگ بیت و دەستهەلاتەک نە ئیسلامی بیت؟ 

فەرە پیروزیێن ئاینی رێز لێ بهێتەگرتن، ژبەرکو ئاین ستوونا کلتور و رەوشتێن جڤاکی یە، هەر دەما کلتو و رەوشت نەمان جڤاک ژی نامینیت و نەتەوە دێ حەلیێت و نیشتیمان دێ مینیت بێ خۆدان، گرنگە شورشەک هزری بەرپا ببیت و ولاتی ژ ڤان دارۆخانێ رزگار بکەت.

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©